Axudas, en réxime de concorrencia non competitiva, a particulares para a adquisición de materiais e pezas de mobiliario de cociña e baño (Reforma17)
As entidades colaboradoras do
programa Reforma17 son as encargadas de tramitar a solicitude de axuda.
O prazo de adhesión das entidades
colaboradoras ata o día 27 de outubro de 2017.
O prazo de presentación de
solicitudes de axuda comezará o día
11 de outubro e finalizará o 17 de novembro de 2017 agás que se produza o
suposto de esgotamento de crédito.
O Igape publicará na súa páxina
web www.igape.es/reforma17 a relación actualizada en todo momento dos
establecementos de venda adheridos ao programa.
1. Serán subvencionables as
operacións de adquisición de materiais de rehabilitación e pezas de mobiliario
para cociña e baño realizadas nun establecemento de venda adherido, que cumpran
as seguintes condicións:
a) Adquirir un ou varios bens obxecto de
subvención nalgún dos establecementos de venda adheridos á presente iniciativa.
b) Para ser subvencionable unha operación de compra deberá acadar un custo
mínimo de 1.000 € (sen incluír IVE). c) A subvención máxima que percibirá cada
persoa física será de 1.000 € nunha ou varias operacións.
Os beneficiarios da axuda
declararán responsablemente que o obxecto da subvención non se dedica nin se
adscribe a ningunha actividade empresarial ou profesional.
Quedan expresamente excluídos: a
man de obra da reforma; os electrodomésticos; as ventás e os seus marcos;
portas de paso e os seus marcos; estufas e cociñas de gas, leña, pellets ou
similares e radiadores de calquera tipo; cortinas e estores.
A contía da axuda será dun 20 %
sobre o prezo dos bens, impostos excluídos, e antes do desconto requirido no
seguinte parágrafo, cun máximo acumulado de subvención de 1.000 € por
beneficiario.
A axuda do Igape virá
condicionada a un desconto realizado polo establecemento de venda, que será
realizado sobre a base impoñible da factura, de importe polo menos da mesma
contía que a axuda outorgada polo Igape.
Polo tanto, a diferenza de prezo
sobre a base impoñible resultante para o comprador dos bens obxecto de axuda
será do 40 % desta.
Máis información: